ਦਿਵਿਆਂਗਜਨਾਂ ਅਤੇ ਬਜ਼ੁਰਗਾਂ ਨੂੰ ਸਹਾਇਕ ਉਪਕਰਣ ਮੁਹੱਈਆ ਕਰਵਾਉਣ ਲਈ ਰਜਿਸਟ੍ਰੇਸ਼ਨ ਕੈਂਪ 

ਦਫਤਰ ਜਿਲ੍ਹਾ ਲੋਕ ਸੰਪਰਕ ਅਫਸਰ ਤਰਨ ਤਾਰਨ

ਦਿਵਿਆਂਗਜਨਾਂ ਅਤੇ ਬਜ਼ੁਰਗਾਂ ਨੂੰ ਸਹਾਇਕ ਉਪਕਰਣ ਮੁਹੱਈਆ ਕਰਵਾਉਣ ਲਈ ਰਜਿਸਟ੍ਰੇਸ਼ਨ ਕੈਂਪ 

ਤਰਨ ਤਾਰਨ 07 ਜਨਵਰੀ

ਦਿਵਿਆਂਗਜਨਾਂ ਅਤੇ ਬਜ਼ੁਰਗਾਂ ਨੂੰ ਸਮਾਜ ਦੀ ਮੁੱਖ ਧਾਰਾ ਵਿੱਚ ਲਿਆਉਣ ਲਈ ਸਰਕਾਰ ਵੱਲੋਂ ਉਹਨਾਂ ਦੇ ਕਲਿਆਣ ਅਤੇ ਪੁਨਰਵਾਸ ਦੇ ਲਈ ਕੰਮ ਕੀਤੇ ਜਾ ਰਹੇ ਹਨ। ਇਸ ਸੰਬੰਧੀ ਕ੍ਰਿਤਰਮ ਅੰਗ ਨਿਰਮਾਣ ਨਿਗਮ (ਅਲਿਮਕੋ) ਵੱਲੋਂ ਜਿਲ੍ਹਾ ਪ੍ਰਸਾਸ਼ਨ, ਤਰਨ ਤਾਰਨ ਦੇ ਸਹਿਯੋਗ ਨਾਲ ਜਿਲ੍ਹਾ ਤਰਨ ਤਾਰਨ ਵਿੱਚ ਮਿਤੀ 7 ਜਨਵਰੀ ਤੋਂ 10 ਜਨਵਰੀ 2025 ਤੱਕ ਦਿਵਿਆਂਗਜਨਾਂ ਅਤੇ ਬਜ਼ੁਰਗਾਂ ਨੂੰ ਸਹਾਇਕ ਉਪਕਰਣ ਮੁਹੱਈਆ ਕਰਵਾਉਣ ਲਈ ਰਜਿਸਟ੍ਰੇਸ਼ਨ ਕੈਂਪਲਗਾਏ ਜਾ ਰਹੇ ਹਨ।ਇਸ ਲੜੀ ਤਹਿਤ ਪਹਿਲਾ ਕੈਂਪ ਮਿਤੀ 07 ਜਨਵਰੀ ਨੂੰ ਸ੍ਰੀ ਹਰਕ੍ਰਿਸ਼ਨ ਪਬਲਿਕ ਸਕੂਲ, ਜੰਡਿਆਲਾ ਰੋਡ, ਤਰਨ ਤਾਰਨ ਵਿਖੇ ਲਗਾਇਆ ਗਿਆ। ਇਸ ਮੌਕੇ ਸ਼੍ਰੀ ਰਾਹੁਲ ਆਈ.ਏ.ਐਸ. ਡਿਪਟੀ ਕਮਿਸ਼ਨਰ ਤਰਨਤਾਰਨ ਵਲੌ ਕੈਂਪ ਦਾ ਦੌਰਾ ਕੀਤਾ ਗਿਆ ਅਤੇ ਦਿਵਿਆਗਜਨਾ ਅਤੇ ਬਜੁਰਗਾਂ ਨਾਲ ਗੱਲਬਾਤ ਕੀਤੀ। ਓਹਨਾਂ ਵਲੋਂ ਦੱਸਿਆ ਗਿਆ ਕਿ 200 ਦੇ ਕਰੀਬ ਦਿਵਿਆਗਜਨਾਂ ਅਤੇ ਬਜੁਰਗਾਂ ਨੇ ਇਸ ਕੈਂਪ ਵਿਚ ਆਕੇ ਜਾਂਚ ਕਰਵਾਓਣ ਦਾ ਲਾਭ ਲਿਆ ਅਤੇ ਜਿਨਾਂ ਨੂੰ ਬਾਅਦ ਵਿਚ ਸਹਾਇਕ ਓਪਕਰਨਾਂ ਦੀ ਵੰਡ ਕੀਤੀ ਜਾਵੇਗੀ। ਕੈਂਪ ਵਿਚ ਆਏ ਹੋਏ ਲਾਭਪਾਤਰੀਆ ਵਲੌਂ ਤੱਸਲੀ ਅਤੇ ਖੁਸ਼ੀ ਪ੍ਰਗਟਾਈ ਗਈ। ਓਹਨਾਂ ਵਲੌਂ ਅਗੇ ਦੱਸਿਆ ਗਿਆ ਕਿ ਜੋ ਇਸ ਕੈਂਪ ਵਿਚ ਨਹੀ ਆ ਸਕੇ ਓਹ ਅਗਲੇ ਕਿਸੇ ਵੀ ਇਕ ਕੈਂਪ ਵਿਚ ਆਕੇ ਜਾਂਚ ਕਰਵਾ ਸਕਦੇ ਹਨ। ਅਗਲੇ ਕੈਂਪਾ ਦਾ ਸਥਾਨ -ਸਰਕਾਰੀ ਪੋਲੀਟੈਕਨਿਕ ਕਾਲਜ, ਖੇਮਕਰਨ ਰੋਡ, ਭਿੱਖੀਵਿੰਡ ਮਿਤੀ 08 ਜਨਵਰੀ ਨੂੰ,ਸਰਕਾਰੀ ਐਲੀ. ਸਕੂਲ, ਖਡੂਰ ਸਾਹਿਬ , ਸਾਹਮਣੇ ਤਹਿਸੀਲ ਦਫਤਰ 09 ਜਨਵਰੀ ਨੂੰ ਅਤੇ ਸਰਕਾਰੀ ਸੀਨੀ. ਸੈਕੰ. ਸਕੂਲ, ਪੱਟੀ (ਲੜਕੇ)ਵਿਖੇ 10 ਜਨਵਰੀ ਨੂੰ ਸਮਾਂ ਸਵੇਰੇ 10 ਤੋਂ 3 ਵਜੇ ਤੱਕ ਲਗਣਗੇ।

ਉਨ੍ਹਾਂ ਦੱਸਿਆ ਕਿ ਦਿਵਿਆਂਗਜਨਾਂ  ਰਜਿਸਟ੍ਰੇਸ਼ਨ/ ਮੁਲਾਂਕਣ ਲਈ ਲੋੜੀਂਦੇ ਦਸਤਾਵੇਜ਼ ਜਿਵੇ ਕਿ 40% ਜਾਂ ਵੱਧ ਅਪੰਗਤਾ ਦੇ ਨਾਲ ਯੂ.ਡੀ.ਆਈ.ਡੀ.ਕਾਰਡ ਜਾਂ ਅਪੰਗਤਾ ਸਰਟੀਫਿਕੇਟ,ਆਮਦਨ ਸਰਟੀਫਿਕੇਟ (ਆਮਦਨ 22500/- ਜਾਂ ਘੱਟ ਪ੍ਰਤੀ ਮਹੀਨਾ ਸਰਪੰਚ/ਐਮ. ਸੀ./ ਤਹਿਸੀਲਦਾਰ/ਪਟਵਾਰੀ/ਸੰਸਥਾ ਦੇ ਮੁਖੀ ਆਦਿ ਤੋਂ ਤਸਦੀਕਸ਼ੁਦਾ),ਆਧਾਰ ਕਾਰਡ ਦੀ ਕਾਪੀ ਅਤੇਇੱਕ ਪਾਸਪੋਰਟ ਸਾਈਜ਼ ਫੋਟੋ ਲੈ ਕੇ ਆਉਣ। ਇਸੇ ਤਰ੍ਹਾਂ ਬਜੁਰਗ ਵਿਅਕਤੀ ਆਧਾਰ ਕਾਰਡ ਦੀ ਕਾਪੀ (60 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਸਬੂਤ ਨਾਲ),ਆਮਦਨ ਸਰਟੀਫਿਕੇਟ (ਆਮਦਨ 15000/- ਜਾਂ ਘੱਟ ਪ੍ਰਤੀ ਮਹੀਨਾ ਸਰਪੰਚ/ਐਮ.ਸੀ./ ਤਹਿਸੀਲਦਾਰ/ਪਟਵਾਰੀ/ਸੰਸਥਾ ਦੇ ਮੁਖੀ ਆਦਿ ਤੋਂ ਤਸਦੀਕਸ਼ੁਦਾ) ਅਤੇ ਇੱਕ ਪਾਸਪੋਰਟ ਸਾਈਜ਼ ਫੋਟੋ ਲੈ ਕੇ ਆਉਣ । ਕੈਂਪਾਂ ਵਿੱਚ ਲੋੜਵੰਦਾਂ ਨੂੰ ਉਪਕਰਣ (ਜਿਵੇਂ ਕਿ ਦਿਵਿਆਗਜਨਾਂ ਲਈ ਨਕਲੀ ਅੰਗ, ਵੀਹਲ ਚੇਅਰ, ਟਰਾਈ ਸਾਇਕਲ, ਮੋਟਾਰਾਇਜ਼ਡ ਟਰਾਈ ਸਾਇਕਲ, ਕੰਨਾਂ’ ਦੀ ਮਸ਼ੀਨਾਂ,ਸੋਟੀਆਂ ਬਰੇਲ ਫੋਨ ਆਦਿ ਅਤੇ ਬਜੁਰਗਾਂ ਲਈ ਵੀਲ ਚੇਅਰ/ਕਮੋਡ ਨਾਲ ਵੀਲ ਚੇਅਰ, ਬੈਸਾਖੀਆਂ, ਸਟਿਕਸ, ਵਾਕਰ, ਟ੍ਰਾਈਪੋਡ ਅਤੇ ਟੈਟ੍ਰਾਪੋਡ, ਸਰਵਾਈਕਲ ਕੋਲਰ,ਕਮਰ ਬੈਲਟ, ਕੁਸ਼ਨ ਪਿਲੋ ਆਦਿ) ਮੁਹਈਆ ਕਰਵਾਉਣ ਲਈ ਸਿਰਫ ਰਜਿਸਟ੍ਰੇਸ਼ਨ ਕੀਤੀ ਜਾਵੇਗੀ ਅਤੇ ਬਾਅਦ ਵਿੱਚ ਉਪਕਰਣ ਮੁਹਈਆ ਕਰਵਾਏ ਜਾਣਗੇ। ਜੇਕਰ ਕੌਈ ਇਸ ਸਕੀਮ ਦਾ ਲਾਭ ਪਹਿਲਾਂ ਲੈ ਚੁਕਾ ਹੈ ਪਰ ਅਜੇ 3 ਸਾਲ ਦਾ ਸਮਾਂ ਨਹੀ ਹੋਇਆ ਤਾ ਓਸ ਨੂੰ  ਇਸ ਕੈਂਪ ਵਿਚ ਦੁਬਾਰਾ ਲਾਭ ਦੇਣ ਲਈ ਰਜਿਸਟਰ ਨਹੀਂ ਕੀਤਾ ਜਾਵੇਗਾ।