Special facilities being provided by Horticulture Department to promote agricultural diversification-Dr. Tajinder Singh

ਖੇਤੀ ਵਿੰਭਿਨਤਾ ਨੂੰ ਉਤਸ਼ਾਹਿਤ ਕਰਨ ਲਈ ਬਾਗਬਾਨੀ ਵਿਭਾਗ ਵੱਲੋਂ ਦਿੱਤੀਆਂ ਜਾ ਰਹੀਆਂ ਵਿਸ਼ੇਸ ਸਹੂਲਤਾਂ-ਡਾ. ਤਜਿੰਦਰ ਸਿੰਘ

ਤਰਨ ਤਾਰਨ, 25 ਨਵੰਬਰ :

ਪੰਜਾਬ ਵਿੱਚ ਖੇਤੀ ਵਿੰਭਿਨਤਾ ਨੂੰ ਪ੍ਰਫੂਲਿਤ ਕਰਨ ਲਈ ਪੰਜਾਬ ਸਰਕਾਰ ਵੱਲੋਂ ਅਣਥੱਕ ਯਤਨ ਕੀਤੇ ਜਾ ਰਹੇ ਹਨ। ਕਣਕ-ਝੋਨੇ ਦੇ ਫਸਲੀ ਚੱਕਰ ਵਿੱਚੋਂ ਬਾਹਰ ਨਿਕਲ ਕੇ ਖੇਤੀ ਵਿੰਭਿਨਤਾ ਅਪਣਾਉਂਦੇ ਹੋਏ ਦੂਜੀਆਂ ਮੁਨਾਫ਼ੇਕਾਰ ਫਸਲਾਂ ਵੱਲ ਧਿਆਨ ਦੇਣ ਦੀ ਲੋੜ ਹੈ ਜਿਸ ਨਾਲ ਧਰਤੀ ਹੇਠਲੇ ਪਾਣੀ ਅਤੇ ਲੁਪਤ ਹੋ ਰਹੇ ਹੋਰ ਕੁਦਰਤੀ ਸਰੋਤਾਂ ਨੂੰ ਬਚਾਇਆ ਜਾ ਸਕੇ। ਖੇਤੀ ਵਿੰਭਿਨਤਾ ਵਿੱਚ ਬਾਗਬਾਨੀ ਫਸਲਾਂ ਦੀ ਕਾਸ਼ਤ ਸਭ ਤੋਂ ਵਧੀਆਂ ਵਿਕਲਪ ਹੈ। ਬਾਗਬਾਨੀ ਮੰਤਰੀ ਸ਼੍ਰੀ.ਮਹਿੰਦਰ ਭਗਤ ਪੰਜਾਬ ਦੇ ਆਦੇਸ਼ਾਂ ਅਤੇ ਸ੍ਰੀਮਤੀ ਸ਼ੈਲਿੰਦਰ ਕੌਰ, ਡਾਇਰੈਕਟਰ ਬਾਗਬਾਨੀ ਪੰਜਾਬ ਦੀ ਅਗਵਾਈ ਹੇਠ ਪੰਜਾਬ ਵਿੱਚ ਬਾਗਬਾਨੀ ਕਿੱਤੇ ਨਾਲ ਜੁੜੇ ਕਿਸਾਨਾਂ ਨੂੰ ਆਰਥਿਕ ਲਾਭ ਦੇਣ ਹਿੱਤ ਐਨ.ਐਚ.ਐਮ. ਅਧੀਨ ਵੱਖ-ਵੱਖ ਤਰ੍ਹਾਂ ਦੀਆਂ ਸਬਸਿਡੀਆਂ ਮੁਹੱਈਆ ਕਰਵਾਈਆਂ ਜਾਂਦੀਆਂ ਹਨ।

ਉਹਨਾਂ ਦੱਸਿਆ ਕਿ ਸਰਕਾਰ ਵੱਲੋਂ ਚਲਾਈ ਜਾ ਰਹੀ MIDH ਸਕੀਮ ਅਧੀਨ ਨਵੇਂ ਬਾਗ ਲਗਾਉਣ ਉੱਪਰ 19200/- ਰੁਪਏ ਪ੍ਰਤੀ ਹੈਕ. (50%) ਹਾਈਬ੍ਰਿਡ ਸਬਜੀਆਂ ਦੀ ਕਾਸ਼ਤ, ਫੁੱਲਾਂ ਦੀ ਕਾਸ਼ਤ ਉੱਪਰ 16000/- ਰੁਪਏ ਪ੍ਰਤੀ ਹੈਕ. (40%), ਖੁੰਬ ਪੈਦਾਵਾਰ ਯੂਨਿਟ ਸਥਾਪਿਤ ਕਰਨ ਉੱਪਰ 800000/- ਰੁਪਏ (40%), ਵਰਮੀ ਕੰਮਪੋਸਟ ਬੈੱਡ ਉੱਪਰ (50%) 8000/- ਰੁਪਏ, ਵਰਮੀ ਕੰਪੋਸਟ ਯੂਨਿਟ ਉੱਪਰ (50%) 50000/- ਰੁਪਏ, ਸੁਰੱਖਿਅਤ ਖੇਤੀ ਲਈ ਪੋਲੀ ਹਾਊਸ ਉੱਪਰ 467.5/- ਰੁਪਏ ਪ੍ਰਤੀ ਵਰਗ ਮੀਟਰ (50%) ਸ਼ੇਡਨੈੱਟ ਹਾਊਸ ਯੂਨਿਟ ਸਥਾਪਿਤ ਕਰਨ ਲਈ 355/- ਰੁਪਏ ਪ੍ਰਤੀ ਵਰਗ ਮੀਟਰ (50%) ਅਤੇ ਇਹਨਾਂ ਯੂਨਿਟਾਂ ਦੇ ਪਲਾਂਟਿੰਗ ਮਟੀਰਿਅਲ ਉੱਪਰ 140/- ਰੁਪਏ ਪ੍ਰਤੀ ਵਰਗ ਮੀਟਰ (50%), ਸ਼ਹਿਦ ਮੱਖੀ ਪਾਲਣ ਉੱਪਰ 1600/- ਰੁਪਏ ਪ੍ਰਤੀ ਬਕਸਾ (40%), ਸ਼ਹਿਦ ਕੱਢਣ ਵਾਲੀ ਮਸ਼ੀਨ ਉੱਪਰ 8000 (40%), ਪਿਆਜਾਂ ਲਈ ਸਟੋਰੇਜ ਯੂਨਿਟ 87.5 ਹਜਾਰ (50%), ਕੰਪੋਸਟ ਮੇਕਿੰਗ ਯੂਨਿਟ ਉੱਪਰ 8.0 ਲੱਖ (40%), ਸਪਾਨ ਮੇਕਿੰਗ ਯੂਨਿਟ 6.0 ਲੱਖ (40%), ਬਾਗਾਂ ਲਈ ਛੋਟਾ ਟਰੈਕਟਰ (20 ਪੀ.ਟੀ.ਓ. ਐਚ.ਪੀ ਤੱਕ) ਉੱਪਰ 75000/- ਰੁਪਏ, ਪਾਵਰ ਟਿੱਲਰ ਉੱਪਰ 50000/- ਰੁਪਏ, ਬਾਗਾਂ/ਸਬਜੀਆਂ ਤੇ ਕੀੜੇ ਮਕੌੜੇ ਅਤੇ ਬਿਮਾਰੀਆਂ ਦੀ ਰੋਕਥਾਮ ਲਈ ਟਰੈਕਟਰ ਨਾਲ ਚੱਲਣ ਵਾਲੇ ਟਰੈਕਟਰ ਓਪਰੇਟਡ ਸਪਰੇ ਪੰਪ ਉੱਪਰ 50000/- ਰੁਪਏ, ਨੈਪ ਸੈਕ ਪਾਵਰ ਸਪਰੇ ਪੰਪ ਉੱਪਰ 8000/- ਰੁਪਏ, ਆਦਿ ਗਤੀਵਿਧੀਆਂ ਤੇ ਬਾਗਬਾਨੀ ਵਿਭਾਗ ਵੱਲੋਂ 40-50% ਤੱਕ ਸਬਸਿਡੀ ਦਿੱਤੀ ਜਾਂਦੀ ਹੈ।

ਇਸ ਤੋਂ ਇਲਾਵਾ ਕੋਲਡ ਸਟੋਰ (35% ਕੁੱਲ ਪ੍ਰੋਜੈਕਟ ਦਾ), ਰਾਈਪਨਿੰਗ ਚੈਂਬਰ (35% ਕੁੱਲ ਪ੍ਰੋਜੈਕਟ ਦਾ), ਕੋਲਡ ਰੂਮ (35% ਕੁੱਲ ਪ੍ਰੋਜੈਕਟ ਦਾ), ਰੈਫਰੀਜਰੇਟਿਡ ਵੈਨ (35% ਕੁੱਲ ਪ੍ਰੋਜੈਕਟ ਦਾ) ਇੰਟੀਗਰੇਟਿੰਡ ਪੈਕ ਹਾਊਸ ਆਦਿ ਗਤੀਵਿਧੀਆਂ ਤੇ 35% ਸਬਸਿਡੀ ਦੀ ਸਹੂਲਤ ਹੈ। ਇਸ ਤੋਂ ਅੱਗੇ ਉਨ੍ਹਾਂ ਦੱਸਿਆਂ ਕਿ ਫਲਾਂ ਅਤੇ ਸਬਜੀਆਂ ਦੀ ਤੁੜਾਈ ਉਪਰੰਤ ਸਾਂਭ-ਸੰਭਾਲ (ਪੋਸਟ ਹਾਰਵੈਸਟ ਮਨੈਜਮੈਂਟ) ਅਧੀਨ ਖੇਤ ਵਿੱਚ ਪੈਕ ਹਾਊਸ ਤਿਆਰ ਕਰਨ ਲਈ 50% ਦੇ ਹਿਸਾਬ ਨਾਲ 2 ਲੱਖ ਰੁਪਏ ਸਬਸਿਡੀ ਦਿੱਤੀ ਜਾਂਦੀ ਹੈ। ਉਹਨਾਂ ਵੱਲੋਂ ਅਪੀਲ ਕੀਤੀ ਗਈ ਕਿ ਕਿਸਾਨ ਵੱਧ ਤੋਂ ਵੱਧ ਇਹਨਾਂ ਚੱਲ ਰਹੀਆਂ ਸਰਕਾਰੀ ਸਕੀਮਾਂ ਦਾ ਲਾਭ ਉਠਾਉਣ ਅਤੇ ਪੰਜਾਬ ਦੀ ਖੇਤੀ ਨੂੰ ਮੁਨਾਫੇ ਵਿੱਚ ਲਿਆਉਣ ਲਈ ਬਾਗਬਾਨੀ ਕਿੱਤੇ ਨਾਲ ਜੁੜਨ।